Sámekultuvrii vuodjut digitála spealuid vugiiguin, go Sami Game Jam -spealloráhkadandáhpáhus boahtá Ohcejohkii 21.-25.2.2018. Dáhpáhussii bovdet hárjánan speallohutkkiid sihke speallohutkamis beroštuvvan sápmelašovddasteaddjiid dahkat ovttas stoahkanvugiiguin dutkamušmátkkiid sápmelašvuođa sierra temáide.
Dáhpáhus lea moadde beaivve bisti intensiiva speallodáhpáhus, man áigge spealut ráhkaduvvojit máŋggaámmátlaš joavkkuin ideas speallan láhkai. Nugo earáge speallodáhpáhusain, de Sami Game Jam spealut šaddet ovddalgihtii merrojuvvon temáid birra. Sami Game Jam speallohutkan fidne fáttáid sápmelašvuođa temáin, maiguin guoktenuppelohkái bargojoavkku leat barggildan:
1. Guossin iežas eatnamis
2. Rájáid rasttildeaddji álbmot
3. Badjel sohkabuolvvaid boahtti máidnasat
4. Gávcci jagiáiggi álbmot
5. Sitkes stereotypiijat
6. Sápmelaččat sámeguovllu olggobealde
7. Ultima Thule
8. Gielaid rikkis máilbmi
9. Etnostreassa
10. Aktivisttat ja artivisttat
11. Boahttevašvuođa sámit
12. Gosa láhppojedje muittut?
Sámekultuvrras vuolgi mediasisdoalut, earenoamážit spealut, leat hui vátnásit fidnemis. Sami Game Jam buktá áigái servodatlaš bargovugiin ođđa rahpamiid sámi kultuvra- ja máinnasmuitalanárbevieruid joatkašuvvamii. Sami Game Jam vurdojuvvo fidnet áigái čuotnamiid sámedáiddáriid olggosbuktimii speallovugiiguin sihke lasihit sápmelašdiđolašvuođa miehtá máilmmi.
Dáhpáhusas hutkojuvvon spealut čohkkejuvvojit čájáhussan oktasašbarggus Aalto-universitehtain ja Suoma speallomuseain. Čájáhus ollašuhttojuvvo golmma gillii: davvisámegillii, suoma- ja eaŋgalsgillii. Speallan láhkai spealut, temát sihke máidnasat daid duohkin vulget johtit museaid ja čájáhussajiid mielde Suomas, Europas ja várra vel viidábuččatge jagiid 2019-2020. Čájáhusa bargonamma lea Saamelaisuus Pelissä (Sápmelašvuohta Spealus).
Dáhpáhussii sáhtát ohcalit oassálastin deavdimiin ohcamuša čujuhusas samigamejam.com 3.2.2018 rádjai. Ovddeš spealloráhkadanhárjánupmi ii oassálastiin gáibiduvvo, spealut šaddet searválagaid hárjánan spealloráhkadeaddjiid joavkkuin. Dáhpáhus veahkeha oassálastiid mátkegoluin.
Dáhpáhuvvama ordne Finnish Game Jam -searvi Áilegas-guovddážis oktasašbarggus Ohcejoga gielddain. Dáhpáhuvvama doarju Majaoja-vuođđudus ja Neogames.
Lassedieđuid:
Samigamejam.com
Bargojoavkku ovddasteaddjit:
Outi Laiti, Ohcejoga gielda
outi.laiti@utsjoki.fi
040 667 2229
Annakaisa Kultima, Finnish Game Jam ry/Aalto-yliopisto
aakoo@finnishgamejam.com
050 443 7258
Dáhpáhuvvama logo: https://www.dropbox.com/s/9h2vpital2zpcby/SamiGameJam.png?dl=0
Govva (govat: Outi Laiti):
Ohcejohka: https://vimeo.com/214465728
Jammer: https://youtu.be/INIA01bILMk